Arsenal është duke prirë në garë për transferimin e mesfushorit ofansiv të Real Madridit, James Rodriguez.

Kolumbiani këtë sezon nuk ka arritur të gjejë formën e duhur, andaj do largohet në verë, transmeton portali arbresh.info.

Everton dhe Wolves ishin të lidhur me ish-lojtarin e Monacos, mirëpo raportimet e Marca thonë se “Topçinjtë” janë shumë të interesuar për 28-vjeçarin.

“Mbretërit” për James kërkojnë 60 milionë euro, mirëpo në fund të sezonit vlera e lojtarit do zvogëlohet pasi kontrata i skadon në vitin 2021.

Trajneri, Zinedine Zidane ka humbur besimin te kolumbiani, andaj kërkon ta shesë sa me shpejtë dhe të transferojë disa mesfushorë me kreativë.

Rodriguez këtë sezon ka shënuar një gol dhe ka kontribuar me dy asistime në 13 paraqitje në të gjitha garat./arbresh.info.